Telugu Fun Zone(తెలుగు లో)

          భారత బౌలర్లలో షమీ నాలుగు వికెట్లు తీయగా, అశ్విన్ రెండు వికెట్లు తీశాడు. భువనేశ్వర్ కుమార్, ఓజాలకు చెరో వికెట్ దక్కాయి. సచిన్ టెండూల్కర్ కూడా ఓ వికెట్ కూడా తీశాడు. టెండూల్కర్ షిల్లింగ్‌ఫోర్డ్‌ను ఐదు పరుగుల వ్యక్తిగత స్కోరు వద్ద ఎల్బీడబ్ల్యు చేసి వెనక్కి పంపించాడు. టెస్టుల్లో సచిన్‌కు ఇది 46వ వికెట్. షిల్లింగ్ రూపంలో వెస్టిండీస్ 192 పరుగుల వద్ద ఏడో వికెట్‌ను కోల్పోయింది. వెస్టిండీస్ 211 పరుగుల వద్ద ఎనిమిదో వికెట్‌ను కోల్పోయింది. పెర్మాల్ అశ్విన్ బౌలింగులో 14 పరుగుల వ్యక్తిగత స్కోరు వద్ద అవుటయ్యాడు. వెస్టిండీస్‌పై భారత బౌలర్ల హవా కొనసాగుతోంది. 233 పరుగుల వద్ద వెస్టిండీస్ తొమ్మిదో వికెట్ కోల్పోయింది. చందర్‌పాల్ కేవలం 36 పరుగులు చేసి అశ్విన్ బౌలింగులో అవుటయ్యాడు. టాస్ గెలిచి బ్యాటింగ్ ప్రారంభించిన వెస్టిండీస్ 34 పరుగుల వద్ద తొలి వికెట్ కోల్పోయింది. క్రిస్ గేల్‌ 18 పరుగుల వ్యక్తిగత స్కోరు వద్ద భువనేశ్వర్ కుమార్ బౌలింగ్‌లో అవుటయ్యాడు. వెస్టిండీస్ మరో వికెట్ కోల్పోయింది. 47 పరుగుల వద్ద మొహమ్మద్ షమీ బౌలింగులో కీరోన్ పావెల్ 28 పరుగుల వ్యక్తిగత స్కోరు వద్ద అవుటయ్యాడు. ఆదిలోనే రెండు వికెట్లు కోల్పోయిన స్థితిలో మార్లోన్ శామ్యూల్స్, డారెన్ బ్రేవో ఆచితూచి ఆడుతూ స్కోరును పెంచే ప్రయత్నం చేశారు. శామ్యూల్స్ అర్థ సెంచరీ పూర్తి చేశాడు. వెస్టిండీస్ 138 పరుగుల వద్ద నాలుగో వికెట్ కోల్పోయింది. అతి కష్టంగా బ్యాటింగ్ చేస్తున్న బ్రేవో ఎట్టకేలకు రన్నవుట్ అయ్యాడు. అతను కేవలం 232 పరుగులు మాత్రమే చేశాడు. వెస్టిండీస్ 143 పరుగుల వద్ద ఐదో వికెట్ కోల్పోయింది. షమీ బౌలింగులో రామ్‌దిన్ నాలుగు పరుగుల వ్యక్తిగత స్కోరు వద్ద అవుటయ్యాడు. వెస్టిండీస్ 172 పరుగుల వద్ద డారెన్ సామీ రూపంలో ఆరో వికెట్ కోల్పోయింది. ఓజా బౌలింగులో అతను భువనేశ్వర్ కుమార్‌కు క్యాచ్ ఇచ్చి 16 పరుగుల వ్యక్తిగత స్కోరు వద్ద పెవిలియన్ చేరుకున్నాడు.

 తుది జట్లు భారత్: ఎంఎస్ ధోనీ (కెప్టెన్), శిఖర్ ధావన్, మురళీ విజయ్, ఛతేశ్వర్ పుజారా, సచిన్ టెండూల్కర్, విరాట్ కోహ్లీ, రోహిత్ శర్మ, ఆర్ అశ్విన్, భువనేశ్వర్ కుమార్, మొహమ్మద్ షమీ, ప్రజ్జాన్ ఓజా

 వెస్టిండీస్: డారెన్ సామీ (కెప్టెన్), క్రిస్ గేల్, కీరోన్ పావెల్, డారెన్ బ్రేవో, మార్లోన్ శామ్యూల్స్, చంద్రపాల్, దినేష్ రామ్‌దిన్, షేన్ షిల్లింగ్‌ఫోర్డ్, వీరసామీ పెర్మాల్, షెల్డన్ కోట్రెల్, టినో బెస్ట్