Telugu Fun Zone(తెలుగు లో)

    కోల్‌కతా: వెస్టిండీస్ క్రీడాకారులు మాస్టర్ బ్లాస్టర్ సచిన్ టెండూల్కర్ అభిమానులను నిరాశపరిచారు. భారత్ రెండో ఇన్నింగ్సు ఆడాల్సిన అవసరం రాకుండా ఆటను ముగించేశారు. దీంతో సచిన్ టెండూల్కర్ బ్యాటింగ్‌ను అభిమానులు మిస్సయ్యారు. రెండో ఇన్నింగ్సులో భారత బౌలర్ల ధాటికి వెస్టిండీస్ బ్యాటింగ్ పేకమేడలా కూలిపోయింది. దీంతో భారత్ తొలి టెస్టు మ్యాచును ఇన్నింగ్సు 51 పరుగుల తేడాతో గెలుచుకుంది. ఐదు రోజుల టెస్టు మ్యాచు మూడు రోజుల్లోనే ముగిసింది




          వెస్టిండీస్ తొలి ఇన్నింగ్సులో 234 పరుగులు, రెండో ఇన్నింగ్సులో 168 పరుగులు చేసింది. భారత్ రోహిత్ శర్మ, అశ్విన్ అద్భుతమైన సెంచరీలతో తొలి ఇన్నింగ్సులో 453 పరుగులు చేసింది. అంతకు ముందు - భారత్‌తో జరిగిన తొలి టెస్టు రెండో ఇన్నింగ్సులో వెస్టిండీస్ ఆదిలోనే క్రిస్ గేల్ వికెట్‌ను కోల్పోయింది. మరోసారి క్రిస్ గేల్ భువనేశ్వర్ కుమార్‌కు దొరికిపోయాడు. అతను 33 పరుగులు చేసి పెవిలియన్ దారి పట్టాడు. దీంతో వెస్టిండీస్ 33 పరుగుల వద్ద తొలి వికెట్ కోల్పోయింది. వెస్టిండీస్ రెండో ఇన్నింగ్సులోనూ వరుసగా వికెట్లు కోల్పోతూ వచ్చింది. 120 పరుగులకే నాలుగు వికెట్లు కోల్పోయి కష్టాల్లో పడింది. బ్రేవో అశ్విన్ బౌలింగులో 37 పరుగుల వ్యక్తిగత స్కోరు వద్ద అవుటయ్యాడు. పావెల్ 36 పరుగులు చేసి అశ్విన్ బౌలింగులో శామ్యూల్స్ నాలుగు పరుగులు చేసి షమీ బౌలింగులో అవుటయ్యారు. షమీ మరోసారి విజృంభిస్తున్నాడు. అతను రామ్‌దిన్ వికెట్ తీయడంతో వెస్టిండీస్ 125 పరుగులకే ఐదు వికెట్లు కోల్పోయి కష్టాల్లో పడింది. అతను కేవలం ఒక్క పరుగు మాత్రమే చేశాడు. షమీ మరో వికెట్ తీశాడు. డారెన్ సామీ షమీ బౌలింగులో 8 పరుగుల వ్యక్తిగత స్కోరు వద్ద అవుటయ్యాడు. దీంతో వెస్టిండీస్ 152 పరుగుల వద్ద ఆరో వికెట్ కోల్పోయింది. వెస్టిండీస్ 152 పరుగుల వద్ద మరో రెండు వికెట్లు కోల్పోయింది. సామీ అవుటైన తర్వాత బ్యాటింగ్‌కు దిగిన షిల్లింగ్‌ఫోర్డు షమీ బౌలింగులో పరుగులేమీ చేయకుండా అవుట్ కాగా, ఆ వెంటనే పెర్మాల్ సున్నా పరుగులకే రన్నవుట్ అయ్యాడు. వెస్టిండీస్ 159 పరుగుల వద్ద తొమ్మిదో వికెట్ కోల్పోయింది. 

You may also Like