మరదలపిల్లపై మనసుపడ్డ జక్కన్న.. రానాకి సెట్ చేస్తాడట!

Home » Gossips » మరదలపిల్లపై మనసుపడ్డ జక్కన్న.. రానాకి సెట్ చేస్తాడట!

'అత్తారింటికి దారేది' సినిమాలో పవన్ కల్యాణ్‌కు మరదలపిల్లగా నటించిన హీరోయిన్‌పై రాజమౌళి అలియాస్ జక్కన్న మనసుపడ్డాడట. భారీ బడ్జెట్‌తో తాను తీస్తున్న 'బాహుబలి'లో ఈ మరదలపిల్లకి అవకాశం ఇవ్వనున్నట్లు సమాచారం.

'అత్తారింటి..'లో పవన్‌కు పెద్ద మరదలుగా నటించిన ప్రణీతకు బాహుబలిలో నటించే ఛాన్సు వచ్చినట్లు టాలీవుడ్ వర్గాలు అంటున్నాయి. 'బాహుబలి'లో ఓ పాత్ర కోసం ప్రణీత పేరును పరిశీలిస్తున్నట్లు సమాచారం. ఈ సినిమాలో ఇప్పటికే ప్రభాస్‌కు జోడిగా అనుష్క నటిస్తుండగా రానాకు జంటగా నటించే హీరోయిన్ స్థానం ఖాళీగా ఉంది. రానాకు జంటగా సరిపడే అందమైన హీరోయిన్ కోసం రాజమౌళి గట్టిగానే ప్రయత్నాలు చేస్తున్నాడు.

రాణిలా కనిపిస్తూ రానాకు జోడిగా కనిపించే అమ్మాయి కోసం జక్కన్న వేట సాగిస్తున్నాడు. ఈ వేటలో ప్రణీత మీద జక్కన్న దృష్టిపెట్టినట్లు టాలీవుడ్ సమాచారం. ప్రణీత జక్కన్న చేతిలో పడితే.. ఆమె సుడితిరిగినట్లేనని ఆమె అభిమానులు అంటున్నారు.