Telugu Fun Zone(తెలుగు లో)

తరచూ వ్యాపార అవసరాల రిత్యా దూరప్రాంతాలకు ప్రయాణించే మోడరన్ డే ట్రావెలింగ్ ఎక్జిక్యూటివ్‌లను దృష్టిలో ఉంచుకుని శక్తివంతమైన హార్డ్‌వేర్ స్పెసిఫికేషన్‌లతో కూడిన ‘పీ780' స్మార్ట్‌ఫోన్‌ను లెనోవో ఇటీవల ఇండియన్ మార్కెట్లో విడుదల చేసింది. అత్యుత్తమ హార్డ్‌వేర్ స్పెసిఫికేషన్స్, శక్తివంతమైన బ్యాటరీ బ్యాకప్, ఆధునిక ఫీచర్లతో కూడిన స్మార్ట్ మొబైలింగ్ వంటి అంశాలు ఈ హ్యాండ్‌సెట్‌లో మెండుగా ఉన్నాయి. లెనోవో పీ780, 5 అంగుళాల ఐపీఎస్ డిస్‌ప్లే వ్యవస్థను కలిగి ఉంటుంది. డిస్‌ప్లే రిసల్యూషన్ సామర్ధ్యం (1280 x 720పిక్సల్స్), 175డిగ్రీల వీక్షణ యాంగిల్‌తో కూడిన 5 పాయింట్ కెపాసిటివ్ టచ్ స్ర్కీన్ యూజర్ ఫ్రెండ్లీ స్మార్ట్ మొబైలింగ్ అనుభూతులను చేరువ చేస్తుంది. శక్తివంతమైన ఎంటీకే 6589 1.2గిగాహెట్జ్ క్వాడ్‌కోర్ ప్రాసెసర్‌ను ఫోన్‌లో నిక్షిప్తం చేసారు. పొందుపరిచిన పవర్ వీఆర్‌ఎస్ జిఎక్స్544 గ్రాఫిక్ యూనిట్ ఫోన్ గ్రాఫిక్ వ్యవస్థను మరింత పటిష్టం చేస్తుంది. 1జీబి ర్యామ్ వేగవంతమైన మల్టీటాస్కింగ్‌ను అందిస్తుంది. ఏర్పాటు చేసిన 4000ఎమ్ఏహెచ్ బ్యాటరీ వ్యవస్థ 2జీ నెట్‌వర్క్ పై 43 గంటల టాక్‌టైమ్, 3జీ నెట్‌వర్క్ పై 25 గంటల టాక్‌టైమ్‌ను ఇస్తుంది. లెనోవో పీ780లో ఆండ్రాయిడ్ లేటెస్ట్ వర్షన్ 4.2.1 జెల్లీబీన్ ప్లాట్‌ఫామ్‌ను లోడ్ చేయటం జరిగింది. ఫోన్‌లో ఏర్పాటు చేసిన 8 మెగా పిక్సల్ రేర్ కెమెరా ఆటో ఫోకస్, ఎల్ఈడి ఫ్లాష్ వంటి ఫీచర్లను కలిగి అత్యుత్తత ఫోటోగ్రఫీ అనుభూతులను చేరువచేస్తుంది.