Telugu Fun Zone(తెలుగు లో)

మాస్టర్ బ్లాస్టర్ సచిన్ టెండూల్కర్ వెస్టిండిస్‌తో టెస్టు సిరీస్‌కు ముందు ముంబై తరఫున హర్యానాతో రంజీ మ్యాచ్ ఆడనున్నాడు. మాస్టర్ తన కెరీర్ చివరి దశలో హర్యానాలో ఆడడం అదృష్టంగా భావిస్తోంది హర్యానా క్రికెట్ సంఘం.

అంతా బాగుంది కానీ మ్యాచ్ ఆడేందుకు వచ్చిన మాస్టర్‌కు వసతి ఎక్కడ ఏర్పాటు చేయాలో అర్థం కాక హర్యానా క్రికెట్ సంఘం (హెచ్‌సీఏ) అధికారులు తలపట్టుకుంటున్నారు. క్రికెట్ దిగ్గజంతో పాటు సచిన్ పార్లమెంట్ సభ్యుడు కూడా. ఈ మైదానానికి సమీప పట్టణమైన రోహ్‌టక్‌లో ఫైవ్‌స్టార్ కాదు కదా కనీసం 2 స్టార్ హోటల్ కూడా లేదు. ఉన్న హోటల్‌లో కూడా ఎక్కడా 15కు మించి గదులు లేవు. ఇవి ముంబై జట్టు మొత్తం ఒక్కచోట ఉండటానికి సరిపోవు.

అందుబాటులో ఉన్న రెండు హర్యానా ప్రభుత్వ రిసార్ట్‌లలో కూడా ఇదే పరిస్థితి. చివరకు రివోలీ అనే హోటల్ కాస్త మెరుగ్గా కనిపిస్తున్నా భద్రత సమస్యగా మారింది. హర్యానాకు చెందిన ఎంపీ దీపేందర్ హుడాకు రోహ్‌టక్‌లో ఇల్లు ఉండటంతో ఆయన సచిన్‌ను అక్కడ ఉండాలని కోరుతున్నా...జట్టుకు దూరంగా విడిగా ఉండటానికి మాస్టర్ ఇష్టపడటం లేదు.

కలెక్టర్, పోలీసులు సహకారంతో త్వరగానే దీనిని పరిష్కారం కనుక్కుంటామని మాత్రం హెచ్‌సీఏ ప్రస్తుతానికి చెప్పింది. గతంలో సెహ్వాగ్ సహా చాలా మంది లాహ్లిలో క్రికెట్ ఆడారు. కానీ సచినా...మజాకా!

You may also Like