Telugu Fun Zone(తెలుగు లో)

ఉదయ్ కిరణ్‌ నటించిన 'నువ్వు నేను' సినిమా ద్వారా తెలుగు ప్రేక్షకులకు దగ్గరైన హీరోయిన్ అనిత గప్‌చుప్‌గా ప్రేమ వివాహం చేసుకుంది. తెలుగులో అంతగా అవకాశాలు లేకపోవడంతో ఈ భామ తమిళంవైపు అడుగులు వేసింది. అక్కడ కొన్ని చిత్రాల్లో నటించిన అనిత గోవాకు చెందిన రోహిత్ అనే బ్యాంకు అధికారి ప్రేమలో పడింది
.

వీరి ప్రేమకు పెద్దలు గ్రీన్ సిగ్నెల్ ఇవ్వడంతో కొన్ని రోజుల క్రితం వీరిద్దరూ గోవాలో వివాహం చేసుకున్నారు. ఈ వివాహానికి చిత్రప్రముఖులు ఎవ్వరినీ ఆహ్వానించలేదు. అనితతో సన్నిహితంగా ఉండేవాళ్లకు కూడా ఆమె పెళ్లి సమాచారం లేదట. దీంతో వారంతా అసంతృప్తిని వ్యక్తం చేస్తున్నారు.

అంత అత్యంత గోప్యంగా వివాహం చేసుకోవడానికి కారణమేమిటమ్మా అన్న ప్రశ్నకు అనిత బదులిస్తూ వివాహమనేది తన సొంత విషయం అంది. దాన్ని ఊరంతా చెప్పుకోవాల్సిన అవసరం లేదని పేర్కొంది. అత్యంత సన్నిహితులకు మాత్రమే తెలియజేశానని చెప్పింది. అదే విధంగా నటనకు స్వస్తి చెప్పే విషయం గురించి ఇంకా ఎలాంటి నిర్ణయం తీసుకోలేదని అనిత అంది.

You may also Like